“Prit se do rritet dhe do flasë” është një nga mitet më të dëmshme për zhvillimin e fëmijës.
Çdo fëmijë zhvillohet në ritmin e vet, por kur ka shenja të qarta të vonesës në komunikim apo gjuhë, koha ka shumë rëndësi. Sa më herët të identifikohet vështirësia, aq më të mëdha janë mundësitë që fëmija të përparojë shpejt dhe të shmangen vështirësi të tjera më vonë.

Nëse një fëmijë në moshën 18 muajshe nuk përdor fjalë, nuk reagon ndaj emrit, nuk komunikon me gjeste apo ka pak kontakt social, pritja pasive deri në moshën 3-vjeçare mund të krijojë një boshllëk edhe më të madh zhvillimor.
Gjatë viteve 0–3, truri i fëmijës ka plasticitet maksimal — është periudha ku ndërhyrja jep rezultatet më të mira. Pikërisht në këtë fazë, terapia dhe stimulimi i duhur mund të ndikojnë ndjeshëm në zhvillimin e gjuhës, komunikimit, të kuptuarit dhe ndërveprimit social.

Kur vonesa neglizhohet, shpesh preken edhe fusha të tjera:
• të kuptuarit dhe ndjekja e udhëzimeve
• sjellja dhe menaxhimi emocional
• socializimi me fëmijët e tjerë
• përgatitja për shkollë
• më vonë leximi, shkrimi dhe të nxënit

Vlerësimi nuk vendos kufij te fëmija — ai hap derën për mbështetjen e duhur. Është një mënyrë për të kuptuar nevojat e tij dhe për t’i dhënë ndihmën që në kohën e duhur.

💡 Të kërkosh ndihmë herët nuk do të thotë se po ekzagjeron.
Do të thotë se po vepron me përgjegjësi për zhvillimin e fëmijës tënd.